GaelAonad
Plean-Gnímh don Ghaeilge (T2)
Fáilte go dtí Rannán an Phlean Gnímh don Ghaeilge i Scoileanna Meán-Bhéarla ar ár suíomh. Sa rannán seo gheobhaidh sibh nuacht, uasdátuithe, príomhdhoiciméid, ábhair foghlama gairmiúla agus acmhainní a thacaíonn le cur i bhfeidhm an Phlean Gnímh don Ghaeilge in bhur ranganna agus in bhur scoileanna. Tá eolas ar fáil anseo freisin faoi thionscadail a bhfuil a spriocanna ailínithe le cuspóirí an Phlean Gnímh don Ghaeilge, mar shampla Foghlaim Chomhtháite Ábhar agus Teanga (FCÁT). Is féidir cliceáil ar Bhunscoil nó Iar-bhunscoil chun tuilleadh eolais a fháil ar FCÁT anseo freisin. Sa rannán seo chomh maith tá sonraí faoi na himeachtaí agus na deiseanna foghlama gairmiúla atá á n-eagrú ag Oide chun tacú libh leis an bPlean Gnímh a chur i bhfeidhm go héifeachtach.
Faoi láthair:
· Is féidir iarratas a dhéanamh ar thacaíocht scoile trí ríomhphost a sheoladh chuig eolas@oide.ie.
· Tá EFG ar líne (uair an chloig) ar fáil dar teideal “Is Féidir Liom, Is Féidir Linn… An Ghaeilge i Scoileanna Meán-Bhéarla agus an Plean Gnímh don Ghaeilge.”
Chun clárú: Tabhair cuairt ar: https://dms.oide.ie/event/public
Coinnigh súil amach freisin do:
· EFG ar líne ar an áis Foghlaim TG4, a dhíríonn ar na féidearthachtaí atá ann scileanna teanga a threisiú, go háirithe scileanna labhartha agus scileanna tuisceana agus leas á bhaint as an áis seo.
· EFG aghaidh ar aghaidh a bheidh dírithe ar chur i bhfeidhm an Phlean Gnímh don Ghaeilge i seomraí ranga agus i scoileanna meán-Bhéarla.