Fáilte chuig an rannán dár suíomh gréasáin atá tiomanta do chur chun cinn agus do thacaíocht a chur ar fáil do bhunscoileanna agus d’iar-bhunscoileanna a fheidhmíonn trí mheán na Gaeilge.
Tugann an rannán seo tacaíocht do Ghaelscoileanna, do Ghaelcholáistí, do Scoileanna Gaeltachta, do scoileanna ina bhfuil Aonad nó Sruth Gaeilge iontu agus do scoileanna atá ag tabhairt faoin tionscadal píolótach FCÁT.
Sa rannán seo gheobhaidh tú naisc freisin chuig tacaíochtaí trí mheán na Gaeilge don scoil uile don bhunscoil agus don iar-bhunscoil, chomh maith le doiciméid oifigiúla a bhaineann le hoideachas trí mheán na Gaeilge. Gheobhaidh tú eolas ar imeachtaí foghlama gairmiúla don earnáil seo agus beidh tú in ann clárú dár liostaí seachadta éagsúla.
Tá súil againn go mbeidh na tacaíochtaí seo ina gcabhair duit agus táimid ag súil le bheith ag obair leat amach anseo. Má tá aon cheisteanna agat is féidir riomhphost a chur chugainn ag eolas@oide.ie