Forléargas ar Thacaíocht Ionscoile Oide
Soláthraíonn Oide tacaíocht chomhthéacsaithe ionscoile le linn/tar éis uaireanta scoile i réimsí tosaíochtaí éagsúla. Is féidir linn é sin a chur ar fáil ar na dóigheanna seo:
Trí iarratas a dhéanamh ar thacaíocht ionscoile, tiocfaidh Ceannaire Foghlama Gairmiúla Oide ar cuairt chuig do scoil chun tacaíocht a sholáthar a chuirfear in oiriúint do shainriachtanais na scoile.
Tacaíocht Leanúnach
Tá tacaíocht ionscoile Oide ar fáil ar bhonn leanúnach freisin. Tá cineál níos doimhne d’fhoghlaim ghairmiúil múinteoirí i gceist leis an Tacaíocht Leanúnach atá dírithe ar chumas inmheánach scoile a fhorbairt, rud a chuireann ar chumas scoileanna athrú a bhrú chun cinn agus a dhaingniú mar phobail neamhspleácha foghlaimeoirí.
Cuirtear an tacaíocht ar fáil thar thréimhse ama, ina mbíonn ceannairí scoile agus múinteoirí ag obair i dtreo spriocanna soiléire atá comhaontaithe. Sa chomhthéacs sin, tacaíonn ár gCeannairí Foghlama Gairmiúla le múinteoirí chun athmhachnamh a dhéanamh le chéile agus chun láidreachtaí agus riachtanais a aithint go comhoibríoch roimh chinneadh a dhéanamh maidir leis an mbealach is fearr chun cinn dá scoil.
Príomhshonraí – Sula ndéantar iarratas ar Thacaíocht Ionscoile:
Roghanna Tacaíochta Scoile Leanúnach Bunscoile 2025 – 2026
Tabhair do d’aire gur féidir le scoileanna iarratas a dhéanamh ar Chleachtas Athchóiritheach nó ar Churaclam Matamaitice na Bunscoile. Sannfar áiteanna ar bhonn tús freastail ar an gceann is tuisce.
Osclófar tacaíocht scoile do Churaclam Matamaitice na Bunscoile agus tacaíocht leanúnach don Chleachtas Athchóiritheach ar an 5 Meán Fómhair ag 10 r.n.
Tacaíocht Scoile Leanúnach – Cleachtas Athchóiritheach
Cuimseoidh Tacaíocht Scoile Leanúnach i gCleachtas Athchóiritheach cúig chuairt duine le duine ar a mhéad ag Oide le linn na scoilbhliana 2025/2026. Má tá an Forléargas ar Chleachtas Athchóiritheach curtha i gcrích ag scoileanna cheana féin, ní bheidh ach ceithre chuairt duine le duine ag teastáil. Beidh FTG/Comhlach sannta i dteagmháil roimh an gcéad chuairt duine le duine chun é sin a phlé a thuilleadh.
Is féidir freastal ar suas le 18 mball foirne in Intreoir chuig Oiliúint ar Chleachtas Athchóiritheach. Sannfar áiteanna ar bhonn tús freastail ar an gceann is tuisce. Níl clúdach ionadaíochta ar fáil don tacaíocht ionscoile seo.
Tacaíocht scoile do Churaclam Matamaitice na Bunscoile
I gcomhréir le ciorclán 39/2023, is tacaíocht shaincheaptha ionscoile ar an láthair í Tacaíocht Scoile CMB chun cabhrú le Curaclam Matamaitice na Bunscoile a dhaingniú. Tá tiomantas na scoile dul i mbun fiosrúchán comhoibríoch, ag díriú ar réimsí forbartha nó feabhsúcháin atá aitheanta ag an scoil féin i gceist le tacaíocht leanúnach. Cuimsíonn an próiseas seo suas le trí chuairt ó Cheannaire Foghlama Gairmiúla Oide (CFG) le linn na bliana acadúla 2025/2026, le gníomhartha comhaontaithe a leagtar amach go soiléir idir cuairteanna. Beifear ag súil go gcinnfidh ceannairí scoile agus múinteoirí na réimsí tosaíochta seo roimh ré. Rachaidh an CFG a shanntar duit i dteagmháil roimh an gcéad chuairt chun tuilleadh sonraí a thabhairt.
Sannfar scoileanna ar bhonn tús freastail ar an gceann is tuisce. Sa chás go sáraíonn an t-éileamh an líon áiteanna atá ar fáil, bunófar liosta feithimh. Tabhair do d’aire nach mbeidh clúdach ionadaíochta ar fáil do thacaíocht ionscoile.
Roghanna Tacaíochta Bunscoile 2025 – 2026
Is féidir le scoileanna suas le trí réimse tacaíochta a roghnú, rangaigh iad in ord tosaíochta.