Tháinig múinteoirí ó na seacht n-iar-bhunscoileanna atá ag glacadh páirte sa tionscadal FCÁT le chéile in Ionad Oideachais Áth Luain Déardaoin 6 Feabhra d’Eispéireas Foghlama Gairmiúla ar FCÁT. Bhí cur i láthair agus ceardlann spreagúil ar FCÁT acu ar maidin le Breandán Mac Gearailt agus Sinéad Ní Ghuidhir ó Ollscoil na Gaillimhe. San iarnóin bhí deis acu a dtaithí go dtí seo leis an tionscadal a phlé mar aon lena smaointe agus dea-chleachtais a roinnt lena chéile agus iad i mbun pleanála. Eispéireas dearfach, tairbheach a bhí ann do chách. Guímid gach rath orthu agus iad ag cur na n-aonad FCÁT i bhfeidhm ina scoileanna sna seachtainí atá romhainn.
