Cóitseáil

Is seirbhís phearsanta rúnda, duine le duine í Cóitseáil Cheannaireachta Oide atá ar fáil anois do Cheannairí Scoile Sinsearacha atá cláraithe ag an Roinn Oideachais (RO). Is uirlis thar a bheith cumhachtach í an oiliúint agus is bealach an-éifeachtach í chun feidhmíocht aonair agus eagraíochtúil a fhorbairt trí ligean leis an acmhainneacht agus leis an gcumas. Tá cóitseáil seanbhunaithe mar sheirbhís forbartha ceannaireachta in eagraíochtaí móra agus sa tionscal go dtí seo. Ó 2017 i leith, tá cóitseáil duine le duine agus foirne ar fáil do gach príomhoide agus foireann cheannaireachta scoile i scoileanna cláraithe de chuid na Roinne Oideachais.

Aithníonn an Roinn Oideachais, LPBÉ, CNPLP agus Ceannaireacht Oide cé chomh dúshlánach is atá ceannaireacht scoile i saol an lae inniu agus tá a fhios acu go bhfuil éilimh leanúnacha sa phost seo. Is féidir le Ceannairí Sinsearacha Scoile leas a bhaint as an tseirbhís rúnda seo, seirbhís duine le duine chun aghaidh a thabhairt ar na dúshláin atá rompu, na deacrachtaí a bheadh acu nó spriocanna ar mhian leo a bhaint amach.

Trí pháirt a ghlacadh i gcóitseáil beidh na buntáistí seo a leanas ag ceannairí scoile:

• Feabhas a chur ar do chumas a bheith ag obair i dtimpeallacht atá ag athrú
• Cur le do chumas a éilimh a chur in ord tosaíochta agus a bhainistiú
• Do dhíograis don phost a athnuachan
• A chur ar do chumas athrú a bhainistiú ar bhealach níos rathúla
• Cabhrú leat cultúr cóitseála a chruthú i do scoil
• Am agus spás a thabhairt duit chun machnamh a dhéanamh
• Treorú trí éiginnteacht

Beidh Ceannairí Scoile Sinsearacha in ann bualadh lena rogha cóitseálaí le haghaidh seiceáil réitigh. Má tá an ceannaire sinsearach scoile sásta, beidh 6 chruinniú eile ann thar thréimhse bliana. Tionóltar cruinniú athbhreithnithe deiridh laistigh de 6 mhí ón gcruinniú deireanach. Mairfidh na cruinnithe 90 nóiméad de ghnáth agus reáchtálfar iad in áit chomhaontaithe. Is féidir le Ceannairí Scoile Sinsearacha a bhfuil ceithre sheisiún cóitseála aonair ar a laghad faighte acu tríd Chlár Cóitseála Ceannaireachta  reatha Oide leas a bhaint as Cóitseáil Foirne ina scoil. Is féidir leas a bhaint as ceithre sheisiún Cóitseála Foirne dhá uair an chloig in aghaidh na scoile le seisear rannpháirtithe ar a mhéad ó Fhoireann Cheannaireachta na Scoile.    

Tá áiteanna cóitseála ar fáil do phríomhoidí scoile atá cláraithe leis an Roinn Oideachais agus Scileanna. Tá 58 cóitseálaí Ceannaireachta ag Oide i 6 réigiún éagsúla ar fud na tíre. Chun tús a chur le do thuras oiliúna, déan teagmháil dhíreach leis an gcóitseálaí. Is féidir teacht ar bheathaisnéisí na gcóitseálaithe ag an nasc seo a leanas: https://cslireland.ie/coaching-for-principals/accessing-the-csl-coaching-service.html

I roinn 4, cliceáil ar na réigiúin ar thaobh na láimhe clé agus roghnaigh cóitseáil ar mhaith leat tabhairt fúithi. Is féidir tairbhe a bhaint as an tseirbhís choisteala gan aon chostas a íoc. Nuair a bheidh 4 sheisiún cóitseála duine le duine déanta agat, bíonn tú i dteideal tús a chur le cóitseáil foirne le suas le 7 mball de d’fhoireann cheannaireachta. 

Chun tuilleadh eolais a fháil, déan teagmháil le Geraldine ag geraldine.mcnamara@oide.ie nó ag 065-6845510.