BUNSCOIL
Oideachas Sóisialta & Imshaoil
“Cuireann Oideachas Sóisialta agus Imshaoil le tuiscint agus le forbairt na bpáistí ar na gnéithe agus próisis stairiúla, thíreolaíocha, agus shochaíocha den saol, gnéithe agus próisis atá ceangailte le chéile. Tacaíonn sé le feasacht na bpáistí ar an domhan, lena léirthuiscint dó agus lena dtuiscint air trí bheith ag foghlaim faoin éagsúlacht shaibhir pobal: a n-eispéiris, a gcultúir, a reiligiúin, a gcreidimh, agus a dtimpeallachtaí ag amanna éagsúla, in áiteanna éagsúla, agus i gcúinsí éagsúla.”
An Roinn Oideachais (2023) Creatchuraclam na Bunscoile lch 19
Fáilte romhat chuig an rannóg ár suímh maidir le hOideachas Sóisialta agus Imshaoil. Tacaíonn ár bhfoireann um Oideachas Sóisialta agus Imshaoil le foghlaim ghairmiúil do cheannairí scoile agus do mhúinteoirí. Sa rannóg seo dár suíomh is féidir leat rochtain a dhéanamh ar thacaíochtaí agus ar acmhainní maidir le gach gné d’Oideachas Sóisialta agus Imshaoil.