Sa rannán seo tá ábhair na foghlama gairmiúla agus na hacmhainní tacaíochta a úsáideadh le linn Imeachtaí Foghlaim Ghairmiúil Léann Clasaiceach na Sraithe Sóisearaí.
Achoimre ar an EFG: Léann Clasaiceach na Sraithe Sóisearaí/na Sraithe Sinsearaí:
Ag Glacadh leis an Idirbhliain: Deiseanna Tarraingteacha agus Athmhachnamhacha a Chruthú.
San Eispéireas Foghlama Gairmiúla (EFG) seo do mhúinteoirí a theagascann Léann Clasaiceach na Sraithe Sóisearaí/na Sraithe Sinsearaí, díríodh go príomha ar an Idirbhliain agus ar eispéiris foghlama a fhorbairt atá éifeachtach agus fiúntach do na scoláirí.
Bhí deis ag na rannpháirtithe dul i ngleic le Ráiteas an Chláir Idirbhliana agus plé a dhéanamh ar na deiseanna a thagann leis do na Clasaicí agus don Léann Clasaiceach. I measc na rudaí a bhí lárnach san Eispéireas Foghlama Gairmiúla seo bhí fiosrú ar stíleanna inste, scéalaíocht agus cuir chuige don mhapáil dhigiteach mar oideolaíochtaí a bhfuil fiúntas agus tarraingt acu do Chlasaicí na hIdirbhliana.
Tabharfaidh na hábhair agus na hacmhainní thíos tuilleadh tacaíochta don fhorbairt ghairmiúil san ábhar ar bhonn aonair nó faoi stiúir na scoile. Is féidir leat teacht ar an ábhar ar líne, nó leaganacha PDF de na cáipéisí a íoslódáil.
Éascaíodh an seimineár gréasáin tacúil seo trí Bhéarla. Mar sin, níl na hábhair ghaolmhara ar fáil ach i mBéarla amháin.
Forléargas ar EFG: Rannpháirtíocht na scoláirí le Pearsana ón Seanam a Fheabhsú, Critéir Ratha agus Ábhar Digiteach a Fhorbairt i Léann Clasaiceach na Sraithe Sóisearaí
Is é fócas an EFG seo iniúchadh a dhéanamh ar shaol laethúil daoine ó shochaithe ársa na Gréige agus na Róimhe agus smaointeoireacht chriticiúil agus gníomhú foghlaimeoirí a chothú trí fhoghlaim ar bhonn fiosraithe agus trí thaighde éifeachtach. Breithnítear i Seisiún 1 conas gníomhú foghlaimeoirí a fheabhsú i seomra an Léinn Chlasaicigh, breathnaítear tuilleadh i Seisiún 2 ar ghníomhú foghlaimeoirí a fhorbairt trí shraith gníomhaíochtaí foghlama ar bhonn fiosraithe ar ábhair foinse ársa ó Phoimpé, anailís a dhéanamh ar fhianaise agus scéalta a chur le chéile trí cheistiú éifeachtach. Leagann Seisiún 3 béim ar an tábhacht agus ar an ról a bhaineann le hiniúchadh a dhéanamh ar ról an aiseolais fhoirmithigh i bhforbairt gníomhú foghlaimeoirí.
Tá naisc chuig gach doiciméad/ábhar ábhartha ar fáil thíos. Is féidir leat rochtain a fháil ar an ábhar ar líne, nó leaganacha PDF de na doiciméid a íoslódáil.
Rannpháirtíocht na scoláirí le Pearsana ón Seanam a Fheabhsú, Critéir Ratha agus Ábhar Digiteach a Fhorbairt i Léann Clasaiceach na Sraithe Sóisearaí
Is é fócas an EFG seo iniúchadh a dhéanamh ar an gcaoi chun rannpháirtíocht na scoláirí le pearsana ón seanam a fheabhsú, critéir ratha agus ábhar digiteach a fhorbairt i Léann Clasaiceach na Sraithe Sóisearaí. Breithníonn Seisiún 1 straitéisí chun rannpháirtíocht na scoláirí a fheabhsú le daoine a raibh tionchar acu ar an domhan ársa agus ar ról na spreagthaí fuaime agus amhairc i Seomra Ranga an Léinn Chlasaicigh. Déantar iniúchadh i Seisiún 2 ar an tábhacht a bhaineann le hintinní foghlama agus critéir ratha a fhorbairt sa seomra ranga agus deis a bheith ann an fhoghlaim a phlé ó shamplaí de shaothar scoláirí. Glactar cur chuige praiticiúil i seisiún 3 maidir le hinneachar digiteach a fhorbairt trí úsáid a bhaint as scéalaíocht agus as teicneolaíochtaí digiteacha.
Tá naisc chuig gach doiciméad/ábhar ábhartha ar fáil thíos. Is féidir leat rochtain a fháil ar an ábhar ar líne, nó leaganacha PDF de na doiciméid a íoslódáil.
Seisiúin chomhoibríocha
Bhí sé mar aidhm san imeacht comhoibríoch seo tacú le múinteoirí a theagascann Clasaicí na Sraithe Sóisearaí agus Léann Clasaiceach na Sraithe Sinsearaí maidir leis an topaic ‘Cód Hóiméarach san Íliad’. Cuimsíodh grinnléitheoireacht, anailís chomhoibríoch agus straitéisí atá réidh don seomra ranga san imeacht roghnach seo chun cur le tuiscint ar charachtair, ar choimhlint agus ar theicníc liteartha san fhilíocht eipiciúil.
Tá sé mar aidhm ag an gcomhsheisiún seo tacú le múinteoirí Léann Clasaiceach na Sraithe Sóisearaí agus na Sraithe Sinsearaí ar thopaic Thaispeántas na Sean-Róimhe agus ailtireacht na Sean-Róimhe. Díreoidh an comhsheisiún ar ailtireacht an Cholasaeim a iniúchadh, an cuspóir polaitiúil a bhí taobh thiar dá thógáil, agus tábhacht shóisialta an fhoirgnimh ar shochaí na Sean-Róimhe. Tá naisc chuig gach doiciméad/ábhar ábhartha ar fáil thíos. Is féidir leat rochtain a fháil ar an ábhar ar líne, nó leaganacha PDF de na doiciméid a íoslódáil.
Éascaíodh an seimineár gréasáin tacúil seo trí Bhéarla. Mar sin, níl na hábhair ghaolmhara ar fáil ach i mBéarla amháin.